|
Glynnies Bonnici
1. Stennejtek
Stennejtek
fejn il-bahar jitbewwes mal-blat
fejn il-bajja siekta msahhra mir-ramel dehbien u
fejn il-Qamar jixref dinjietu fuq wicc dan l-ilma.
Stennejtek
fl-iljieli sewdiena,
fejn il-kwiekeb inemnmu gharfu t-toqol li garrejt u
issiehbu mieghi biex jaqsmu dan il-hemm.
U diqa tnisslet go qalbi l-ghaziza
u bkejt, olfoqt u xhert
ghax imrieghda kont bil-biza' li hakimni
u kbira kienet il-weggha li sewdet din il-qalb.
U pruvajt nifhem imma ma fhimtx
pruvajt nistaqsi imma ma staqsejtx.
U fis-skiet qerriedi li saltan dik il-lejla
wahdi gharaft li xifer imhabbitna kien fil-qrib.
2. Jekk...
Jekk it-triq ma tibqghalekx dritta
u titwitta u ssirlek moghdija,
jekk hi tant tiddejjaq li tifgak u
ma thallikx tghaddi minnha
Jekk il-hgieg jittappan u
xejn car ma tkun tista' tara,
jekk il-lukkett jissakkar u
thossok taqta' nifsek f'dan l-gheluq
Jekk ix-xemx ma zzernaqx bikri filghodu
u lewn is-sema jkun ghadu sewdieni
u jekk filghaxija ma tarax il-qamar fiddieni
u ma tilmahx il-kwiekeb ifiggu,
Nitolbok la ssaqsix lili l-ghaliex.
La tigix ghandi biex infarrgek,
naghtik widen jew inhaddnek mieghi.
La tfittixnix.
Ghax jien ghaddejt mix-xaghri
fejn l-ghollieq honoqli l-moghdija
u spiccajt fgat u mwehhel
mal-blat li jaqta'.
Il-hgieg tieghi tant ittappan li
spiccajt maqtugh ghalija wahdi
u madwari rajt kollox imcajpar
bla ebda sens ta' gharfien.
Ghalija x-xemx ma dehritx
u baqghet mohbija wara s-shab sewdieni
u l-Qamar isaltan f'dik il-lejla baqa' hemm
donnu jistenna li tigri xi haga ohra.
Ghalhekk jekk tispicca bhali
harbex il-versi fuq karta u ghozzhom.
Rosshom ma' qalbek u
ibki waqt li tikteb dil-Poezija.
|
Glynnies Bonnici twieldet fit-3 ta' Novembru 1993. Ilha tikteb xi versi mindu kellha 13-il sena u dejjem ghozzot l-ilsien Malti u l-Poezija. Tinteressaha hafna l-kitba tal-poezija kif ukoll il-kritika taghha. Il-poeziji li tikteb hafna drabi jkollhom tema melankonika u thobb taqra x-xoghlijiet ta' Karmenu Vassallo, Mario Azzopardi u Ruzar Briffa kif ukoll poeziji moderni. Il-muzika u l-kant huma passatempi ohra li tahdem bis-shih fuqhom. 
