Joseph Buttigieg

Kristalli

Il-ħofor t’għajnejk
Mistagħdra bi dmugħ:

salini
fejn għada taf tilma
l-imluħa tar-ruħ.

Xofftejk

Xofftejk
jafu jerdgħu
sar-ruħ minn ġo fija.

U moħħi bħal jogħtor
u nħoss l-univers
idur bija:

univers ta’ ġmiel veru
jinħall fl-isprall
tal-misteru.

Joseph Buttigieg, għalliem u membru tal-MUSUEM, twieled fl-1974 u joqgħod Ħal Tarxien. Poeżiji tiegħu dehru fl-antoloġija Il-Poeżija Maltija ta’ Oliver Friggieri. Ħareġ il-ġabra ta’ poeżiji Siegħa Vjola.