Pawlu Aquilina

GHAX KIEN POETA

Kien jaf b'id wahda jdoqq vjolin in-niket

u bl-istess id idoqq vjolin jhennik;

kien jaf idoqq iz-zewg vjolini b'hila

li jferrhek b'wiehed, bl-iehor ibikkik.

Kien buffu? Kien artista? Kien poeta

tal-qalb u l-mohh. Jifhem tqanqil ir-ruh

u jhossu fih u f'demmu, jahkmu w jibdlu

fid-dahk, fil-biki, f'gelgul shih ta' dmugh.

U ghex ibikki bil-vjolin filghodu ...

u ghex ihenni bil-vjolin bil-lej' ...

b'ghajnejh homor idemmghu sfiq ma' wiccu,

f'ghajnejh holm ta' l-imghoddi w ta' li gej.

U miet jitbissem bil-vjolin fuq sidru,

b'subghajh imqabbda fl-ark mitluq, mitruh;

ghadu sal-lum jitbissem hekk fuq qabru,

ghadu jferrah u jbikki 'l-qalb u 'r-ruh,

ghax kien poeta.

La tfittixnix ...


Meta l-awrora ma tiddix fuq l-għolja
u l-bidwi ma jixrefx mill-għorfa mkenna ...
għalxejn iżernaq,
la tfittixnix.

Meta l-grillu taħt l-għarma jtemm izerzer
u n-ngħaġ fil-maqjel ma jsejħux ’il sidhom ...
għalxejn iżernaq,
la tfittixnix.

Meta l-werżieq qalb l-għeneb jieqaf jgħanni
u d-dielja ma ssajjarx l-għenieqed tagħha ...
għalxejn l-għaxija,
la tfittixnix.

Meta l-ħamiem jieqaf ibarqam kburi
u jifraħ ma jinbaħx il-kelb għal sidu ...
għalxejn l-għaxija,
la tfittixnix.

Meta l-qamar ma jfiġġx, la sħiħ, la felli,
w għajnejn il-kwiekeb ma jleqqux fis-sema ...
għalxejn idallam,
la tfittixnix.

Meta jiskot ir-rużinjol igħanni
u l-kokka ma tibqax tħuf u tisseqqer ...
għalxejn idallam,
la tfittixnix;

għax ruħhom ruħi, fihom tgħix u tgħajjex,
tifraħ, tithenna, tolfoq u titnikket ...
għalxejn iżernaq,
għalxejn l-għaxija,
għalxejn idallam,
inkun għebt magħhom.

Pawlu Aquilina (1929) hareg il-gabra ta’ poeziji Mill-Berah ta’ l-Ghelieqi. Fl-2006 ippubblika t-tieni gabra ta' Poeziji: ERGA' SEMMAGHLI L-GHANJA